Posts

Не ја фрлајте Вашата иднина во депонија!!!

Според статистиките, во Македонија годишно се фрла над 12000 тони храна! Тоа значи дека околу 30 проценти од произведената или увезена храна завршува во депонија. Во голема мера, дел од Вашите цели и планови за иднината може да завршат во депонија, само поради мали грешки во работењето. Еве што може да направите, за да ја подобрите ситуацијата:

HACCP системот не е лоша вештерка!

Бидете секогаш точни и максимално прецизни во исполнувањето на сите HACCP стандарди, не поради стравот од инспекции, туку поради Вас и здравјето на Вашите клиенти. HACCP стандардите се така креирани за да Вашата компанија секогаш произведува квалитетна, здрава и безбедна храна. Прецизноста во пополнувањето на HACCP дневникот кажува многу за Вашиот став, сериозност и општествена одговорност. Најдобар совет што можеме да Ви го дадеме е што помалку безбедноста на храната и здравјето на Вашите клиенти да ги оставате на факторот човечка грешка. Несериозно е во денешно време, извештајот за HACCP Вашите вработени да го пополнуваат со пенкало. Постои начин како дневникот на HACCP системот да се пополнува автоматски, без никаква можност за грешка или отстапка.

Договорете Ваш термин за консултативен разговор!

Што е правилно мерење на температури?!

Денеска, скоро сите компании кои произведуваат или складираат храна имаат некаков систем кој мери и покажува температури. Колку ова и да личи на среќна вест, треба да се запрашаме дали е доволно? Како ова, ќе ни помогне доколку се случи некаква грешка во системот, и температурите падната под потребната маргина? Токму ова е една од најголемите причини за расипување на храната. Мерењето на температури без соодветен систем за алармирање е меч со две острици! Тоа е како да се надевате дека ќе погледнете во будилникот токму тогаш кога сте планирале да станете од спиење. Доколку сеуште немате воспоставено систем за алармирање и мониторинг сторете го тоа уште денеска. Земете ја контролата на Вашиот бизнис во Ваши раце!

„Ќути, добро е, не се расипаа производите!“

Храната или е чувана под идеални услови или не е. Нема нешто измеѓу! Времето на аматеризмот одамна е завршено. И храната која сеуште не е расипана не значи дека е квалитетна. Задржете го Вашиот квалитет константно! Сигурно дека производот во кој сте го вложиле сето Ваше време, нерви и сите можни ресурси заслужува подобар третман. Константниот квалитет значи стабилна компанија и среќни и задоволни клиенти!

Ambion System Вашиот чувар на квалитетот!

Не мора повеќе да висите цело време пред контролните мерачи и да проверувате каква е температурата! Без разлика дали сте на состанок, на вечера со пријателите, на пат… Ambion системот ги чува квалитетот и безбедноста на Вашите производи.  Добијте смс или е маил известување за било каква промена на температурите! Конечно пред Вас е идеално решение за сигурен квалитет! Ослободете ги Вашите вработени од досадните обврски рачно да ги евидентираат температурите во дневникот за HACCP! Нека ја работат работата за која навистина ги плаќате! Заслужувате прецизен систем без можност за грешка! Останете најдобри! Одберете сигурно решение! Договорете термин за консултативен разговор!

Нов повик за ИПАРД програмата

ПРЕТХОДНА НАЈАВА за објавување на Јавен повик 01/2019 за доставување на барања за користење на средства од петтата компонента на Инструментот за претпристапна помош за рурален развој на Европската Унија (ИПАРД Програмата 2014-2020)

Владата на Република Северна Македонија и Агенцијата за финансиска поддршка во земјоделството и руралниот развој ги известуваат сите заинтересирани правни и физички лица дека во првата половина на месец јули 2019 година ќе се објави Јавен повик за доставување на барања за користење на финансиски средства од петтата компонента на Инструментот за претпристапна помош за рурален развој на Европската Унија (ИПАРД Програма за периодот 2014-2020 година).

ИПАРД 2 Програмата 2014-2020

ИПАРД 2 (2014–2020) е проектирана на вкупно 106 милиони евра од кои 60 се наменети за кофинансирање инвестиции во земјоделството, прехранбената индустрија и руралната економија, а останатите 56 за изградба на мали системи за наводнување, за изградба на пристапни патишта до обработливите површини и електрификација на полињата. За разлика од ИПАРД 1 каде соодносот на финансирање беше 50:50, во ИПАРД 2 стапката на кофинансирање инвестиции на земјоделски стопанства ќе изнесува 65% за млади земјоделци и 70% за земјоделски стопанства на над 700 метри надморска висина. Стапката на кофинансирање е зголемена на 65% и за инвестиции за основање и модернизација на мали претпријатија и занаетчиски дејности во руралните средини, како и за инвестирање во капацитети за рурален туризам.

Следење на температурата како критериум за воведување на стандарди за производство

Следење на температурата е критична операција за многу повеќе индустрии отколку што претпоставувате. Постојат и многу законски регулативи или регилативи поврзани со имплементација на одредени индустриски стандарди, кои имаат потреба за следење на температурата и, исто така, има потреба од доказ (записи) дека сите релевантни барања за следење на температура се исполнети. Податоците за температурата што се собираат мора да бидат анализирани и презентирани во извештаите до соодветните институции и, исто така, се чуваат во досие за измерените температури по објекти за повеќе години.

АМБИОН преставува примарна алатка за следење на  температура во голем број на индустрии. Производите или средините во  кои треба да се следи температурата, обично се врзани со безбедноста на потрошувачите на еден или друг начин. Без разлика дали тоа е  храна или вакцини, недостатокот од мониторинг на температурата при нивното складирање или манипулација може да биде апсолутно опасно за крајниот потрошувач.

Како што можете да видите, постојат многу различни операции во различни индустрии каде мора да се користи систем  за следење на температурата со многу различни потреби за секоја од нив. Изборот на АМБИОН е вистинскиот чекор, затоа што АМБИОН со својата прилагодливост лесно може да се имплементира во  голем број на сектори кои се подржани со ИПАРД 2 програмата и да одговори на сите предизвици за мониторинг на температура и релативна влажност.

АМБИОН е комплетно македонски производ и поради тоа тој е прифатлив за да го користите при имплементација на Вашите проекти со кои конкурирате во ИПАРД 2 програмата.

Тимот на АМБИОН Ви стои на располагање во имплементација на соодветно решение за мониторинг на температура и релативна влажност 

Процедури за складирање на храна во угостителски објекти

Угостителските објекти при оперирањето со храна треба да има јасно одредени простории и постапки за складирање на храната од неколку причини. Прво, со обезбедување на соодветни капацитети за складирање можно е да се купат резерви во доволно големи количини за да се добијат подобри цени. Второ, можноста за складирање на набавките на храна ги намалува трошоците и времето потребно за нарачка и испорака. Трето, планирањето на менито е полесно кога сте свесни за квалитетот, количината и видовите на производи што се на располагање. Ако се работи за одредена ставка во менито, убаво е да се знае дека има доволно материјали при рака за да се осигура дека секој што нарачува ставка од менито истата ќе ја добие.

Угостителските објекти имаат потребата за складирање на многу видови на храна, вклучувајќи сува храна, млечни производи, замрзната храна и свежо месо. Просториите за складирање за вакви предмети често имаат барања за специфичен дизајн на просторот со цел ефикасно да се справи со специфичните видови на храна.

Сува храна

Магацинот за сува храна треба да се наоѓа во близина на просторот за примање и во близина на главната кујна.

Без разлика каде се наоѓа локацијата, постојат неколку основни правила кои треба да се почитуваат во одржувањето и контролата на магацинот за сува храна.

  • Магацините за сува храна мора да бидат суви и ладни за да се спречи расипување на храната. Идеална температура е помеѓу 10°C и  15°C
  • Магацинот треба да биде лесен за чистење и одржување и не смее да има присуство на глодари и други штетници.
  • Магацинот треба да биде уреден така да овозможи лесен прием и издавање на производите.
  • Магацинот треба да биде добро осветлен.

складирање во ресторан

Изладени производи

Фрижидерот, без разлика дали е вграден или стандарден исправен фрижидер, е важна компонента во планирањето на складирањето на прехранбени производи. Повеќето свежа храна мора да се чува во фрижидер за да се одложи нејзиното намалување на квалитет и расипување.

Критични контролни точки

Чувајте ја храната на  4 °C или поладно, за безбедно  складирање во фрижидер.
Еве неколку размислувања за да се осигура дека оладената храна ќе биде безбедно чувана:

  • Секогаш следете ја температурата на фрижидерот. Сите фрижидери треба да бидат опремени со систем за мониторинг на температура
  • Чувајте ги фрижидерите во добра работна кондиција. Одржувајте редовен договор за сервисирање со локална компанија за поправка на фрижидери.
  • Редовно чистете ги фрижидерите. Развијте и следете распоред за да бидете сигурни дека фрижидерите се чистат на редовна основа.

Млечни производи

Млечните производи мора да се чуваат во фрижидер на температура од 2 °C до 4 °C

Следете ги овие упатства:

  • Маснотиите во млечните производи имаат тенденција да апсорбираат силни мириси од околината за складирање. За да се намали веројатноста за појава на ова, чувајте млечни производи во посебен дел и затворени.
  • Не чувајте млечни производи во ладилник за зеленчук;
  • Чувајте го фрижидерот чист секогаш.
  • Ротирајте ги млечните производи кога ќе пристигнат свежи производи. Идеално, ваквите производи треба да се набавуваат секојдневно.

Свежо месо, живина и морска храна

Овие производи се најтешки за чување и најскапи прехранбени продукти што ги продава ресторанот.

Чувајте ги овие  производи на  4 °C  или на поладно за безбедно складирање во фрижидер. Кога складирате месо, живина и предмети од морска храна, запомнете ги следниве правила:

  • Свежо месо не смее да се чува премногу долго. Меленото месо треба да се чува не подолго од три дена.
  • Поединечни парчиња месо, како што се стекови, месо, месо и мелено месо, треба да се чуваат на пластични или нерѓосувачки садови на температура од 2 °C до 4 °C
  • Свежата живина треба да се спакува во мраз и да се чува во фрижидер.
  • Свежа морска храна треба да се спакува во мраз, складирана на -1 °C до 2 °C и се употребува што е можно поскоро.

Замрзната храна

Замрзнатата храна треба да се чува на -18 ° C  или пониска. Ако температурата се издигне над -18 ° C, храната може да стане небезбедна и да го изгуби квалитетот. Намалувањето на температурата откако еднаш ќе се зголеми не ја поправа настанатата штета.

Критични контролни точки

Замрзната храна мора да се чува на -18 °C или пониска за да го задржи својот квалитет.

Имајте ги во предвид овие  фактори на ум кога чувате замрзната храна:

  • Овошјето и зеленчукот што се добиваат замрзнати ќе останат со месеци со соодветен квалитет ако се правилно спакувани.
  • Риба и месо правилно запакувани исто така имаат релативно долг рок на замрзнување.
  • Сите замрзнати производи кои не се соодветно пакувани, ќе создадат оштетувања од замрзнување, што предизвикува губење на влага која влијае и на текстурата и на вкусот на храната. Месото е особено подложно на оштетувања од несоодветно замрзнување.
  • Соодветен систем на ротирање на производите е исклучително важен за замрзната храна.

АМБИОН – Систем за мониторинг на температура и релативна влажност

Како што гледате во рестораните следењето на температурата е значаен фактор во обезбедување на соодветни услови на чување на производите. Користење на стандардни термометри преставува несигурно решение затоа што зависите од редовноста на исчитување на податоците од некој ваш вработен.

АМБИОН Ви овозможува континуирано следење на температурата на повеќе локации во Вашиот ресторан. Во случај на надминување на однапред дефинирани вредности за одредени локации ќе добиете аларм на вашиот телефон (СМС или e-mail), ова Ви овозможува навремена реакција во случај на нарушување на соодветните услови за чување на производите.

Пополнување на Дневникот на HACCP веќе нема да преставува за Вас посебна активност која Ви одзема време и повторно зависи од редовноста на Ваш вработен. Со АМБИОН извештајот за HACCP го добивате со еден клик, само избирате период и локација се друго АМБИОН завршува за Вас.

Немојте да одлагате !!!

Обезбедете им на Вашите гости секогаш безбедна и квалитетна храна!!!

Побарајте го нашиот ТИМ ние имаме решение за Вас!!!

3 Златни правила за ладен ланец во прехранбената индустрија

Ладен ланец

Ладен ланец се користи од страна на голем број на различни бизниси кои се занимаваат со производство, транспорт, складирање, малопродажба и дистрибуција на оладена и замрзната храна.

За одредена храна, се поставуваат бараните услови во ладниот ланец што се однесуваат на максималните (а понекогаш и минималните) барања за температура и временскиот период за кој може да се дозволи храна да остане неразладувана.

Одржување  на соодветните услови во  ладниот ланец осигурува дека храната е безбедна за јадење кога ќе стигне до потрошувачот, е со соодветен  квалитет и е во рамките на рокот на траење одреден од страна на неговиот производител. Секое нарушување на поставените услови во ладниот ланец може да влијае на квалитетот на храната, должината на рокот на траење или, во најлош случај, да ја направат храната небезбедна за јадење.

Услови во ладниот ланец

Условите во ладниот ланец се утврдени со три правила:

  • “НИКОГАШ ПОВИСОКА ОД“, правило кое се однесува на температурата
  • “МАКСИМАЛЕН ПЕРИОД БЕЗ ЛАДЕЊЕ“, правило кое се однесува на времето
  • “ПРВ ИСТЕКУВА ПРВ ИЗЛЕГУВА“, правило кое се однесува на начинот на ротација на залихата

За да се поддржат овие три правила, развиени  се повеќе упатства за да се објасни како овие правила можат да се применат и за да се идентификуваат прашањата на кои треба да се  внимава, во различни фази на ладниот ланец, како што се производството, складирањето, транспортот, малопродажба, домашна испорака и угостителство.

Амбион

Правило “НИКОГАШ ПОВИСОКА ОД“

Ова правило е поврзано со температурата:  Се наведува максималната температура при која храна треба да се транспортира, чува и ракува. Во случај на изладена храна, во ова правило дополнително се воведува и минималната температура (ДА СЕ ЧУВА НАД)  за да се осигура дека храната не е оштетена од замрзнување.

Упатство

Секој производител може да ги дефинира правилата  “НИКОГАШ ПОВИСОКА ОД“ и  “ДА СЕ ЧУВА НАД“ за температурите што ги смета за неопходни за безбедноста и квалитетот на неговиот производ, општите упатства за ладниот ланец препорачуваат две температури:

  • ИЗЛАДЕНАТА ХРАНА мора да се транспортира, складира и да се ракува на температури НИКОГАШ ПОВИСОКА ОД + 5 °C; и
  • ЗАМРЗНАТАТА ХРАНА (вклучувајќи и сладолед) мора да се транспортира, складира и ракуваат на температура НИКОГАШ ПОВИСОКА ОД -18 °C.

Овие упатства, исто така препорачуваат ИЗЛАДЕНАТА ХРАНА да се складира и да се транспортира според препораката ДА СЕ ЧУВА НАД 0 °C за да не се замрзнат производите и да се оштетат со формирање на кристали од мраз.

Чување на записите

Во секој чекор од ладниот ланец треба да се чуваат следниве податоци:

  • Температурата на храната при прием и како е одредена истата
  • Запис за измерените температури при транспорт, складирање и ракување со храната.
  • Температурата на храната при испорака и како е одредена истата

Амбион Термограф

Правило “МАКСИМАЛЕН ПЕРИОД БЕЗ ЛАДЕЊЕ“

Ова правило е поврзано со временско ограничување: со ова правило се наведува максималниот период кога храната од ладниот ланец може да биде надвор од контролирана околина (на пр. При истовар), без да се прекршат предвидените услови на ладниот ланец.

Упатство

Додека вистинското временско ограничување го одредуваат производители производители, овие упатства препорачуваат некои временски периоди кои се соодветни за одредени производи.

За изладена храна

  • Кога ИЗЛАДЕНАТА ХРАНА се истоварува на собна температура или во климатизирани услови од + 5 °C до + 15 °C, “МАКСИМАЛЕН ПЕРИОД БЕЗ ЛАДЕЊЕ“ е 20 минути.
  • Кога ИЗЛАДЕНАТА ХРАНА се истоварува во ладни простории со температури од + 0 °C до + 5 °C, не е нарушено правилото “НИКОГАШ ПОВИСОКА ОД“ и поради тоа не е потребен временски лимит.

За замрзната храна

  • Кога ЗАМРЗНАТА ХРАНА се истоварува на собна температура, “МАКСИМАЛЕН ПЕРИОД БЕЗ ЛАДЕЊЕ“ е 20 минути.
  • Кога ЗАМРЗНАТА ХРАНА (освен сладолед) се истоварува во климатизирани услови од + 5 °C до + 15 °C, “МАКСИМАЛЕН ПЕРИОД БЕЗ ЛАДЕЊЕ“ е 60 минути.
  • Кога ЗАМРЗНАТА ХРАНА (освен сладолед) се истоварува во ладни простории од + 0 °C до + 5 °C, “МАКСИМАЛЕН ПЕРИОД БЕЗ ЛАДЕЊЕ“ е 90 минути.
  • Сладолед и слични производи реагираат многу побргу од останатата замрзната храна на температури повисоки од -18 °C и најдобро е да се ракуваат од фрижидер во фрижидер секогаш кога е тоа можно. , “МАКСИМАЛЕН ПЕРИОД БЕЗ ЛАДЕЊЕ“ за сладоледот независно од амбиенталните температури е 20 минути

Систем за мониторинг на температурите во ладниот ланец

За ефективно следење на условите на ладниот ланец потребен е соодветен систем за следење на температурите во сите делови на ладниот ланец.

АМБИОН преставува систем за мониторинг на температура кој ги задоволува сите претходно спомнати барања. Температурата се мониторира континуирано со дигитални сензори (сонди) кои се одликуваат со адекватна прецизност кој овозможува зголемена безбедност во процесот на обработка и чување на храната.

АМБИОН овозможува аларми при надминување на поставените критични вредности на температурата. Алармите може да бидат звучни, визуелни, преку СМС и преку електронска пошта. Ова Ви овозможува навремено преземање на корективни акции со кои навремено ќе ја отстраните причината за надминување на поставените критични вредности.

АМБИОН системот сите потребни извештаи за HACCP ги пополнува автоматски врз основа на однапред зададени параметри од корисникот (Пример: период на запишување на температурата). Како додадена вредност постојат уште голем број на аналитички и графички извештаи кои овозможуваат преглед на условите во кои е процесирана и чувана храната, анализа на вредностите и преземање на соодветни мерки за да се подобрат безбедносните услови за чување и обработка на храната.

Време е за акција СЕГА!!!

Побарајте не! Тимот кој е одговорен за АМБИОН – Системот за мониторинг на температура и релативна влажност Ви стои на располагање за презентација на решението и да Ви помогне во неговата имплементација.

Следење нa температура при производството на колбаси

Примена: Следење на температура при производството на колбаси

За да се обезбеди производство на стандардни и висококвалитетни преработки од месо при производство на колбаси треба да се потврди дека температурата за време на производствениот процес се одржува на соодветно ниво за да се елиминира можноста од  појавата на патогените, производствените погони треба да имаат точна  и сигурна опрема за континуирано следење на температурата и алармирање при надминување на дозволените граници.

Позадина:

Преработените месни производи (колбаси) се сметаат за потенцијално опасна храна (ПХФ), имено храна која бара контрола на температурата за да сме сигурни дека имаме производ кој е соодветен за кознумирање од нашите корисници.

Температурата на готвење и ладење за време на процесот на производство на овие производи мора внимателно да се следи и контролира со цел да се почитуваат меѓународните стандарди и прописи (HACCP, ISO, GMP, FDA, BRC, FSIS итн.), За да се обезбеди стандарден и висококвалитетен производ и да се потврди дека температурата за време на процесот се одржува на соодветно ниво за да се елиминираат патогените.

Фабриката за производство  на колбаси треба да има точна и сигурна опрема за следење, вклучувајќи систем за  чување на измерените податоци  и систем за алармирање за да се обезбеди дека температурите за време на производствените процеси се во дозволените граници.

Proizvodstvo na kolbasi

Можни корисници:

Сите преработувачи на месо кој сакаат да ги задоволат највисоките законски стандарди и во исто време да ги задоволат барањата на најпребирливите купувачи.

Клучни предизвици за клиентите:

При производство на колбаси и други месни производ, компанијата треба да ги подготвува своите прехранбени производи во печки за време на производствениот процес со цел да ги уништи паразитите и патогените бактерии, со што ќе резултира со безбедни производи.

Процесот на ладење, исто така, треба внимателно да се следи и контролира. Различни комбинации на време на подготовка и ладење може  да се користат во процесот на готвење, ладење и чување во фрижидери.

  • Фабриките работат секогаш со повеќе печки и повеќе ладилници, што значи дека секогаш има повеќе производи кои го поминале процесот на готвење и чекаат за процесот на ладење. Во овој случај, системот за следење може да се користи за следење на производите по процесот на готвење за да се осигура дека тие се правилно оладени. Внатрешната температура треба да се контролира и да се намали од 55 °C до 26 °C за не повеќе од 5 часа.
  • Температурата на производите исто така мора да се следи додека се складирани во фрижидерите за да се обезбеди внатрешната температура на производот да се доведе од 26 °C до 7 °C за не повеќе од 10 часа.
  • Фабриката мора да има решение за да може да ја потврди вистинската температура во ладилникот секогаш кога постои сомневање за јаз помеѓу температурата од контролерот на ладилникот и реалната температура.
  • Компаниите има потреба од алатка која им овозможува да ја следат температурата на производот во ладилникот и во текот на периодот кога не се во самите објекти со што се потврдува дека нивните производи секогаш се чуваат на соодветна температура

АМБИОН Систем за мониторинг на температура

АМБИОН на компаниите производители на колбаси и други преработки од месо им обезбедува алатка која ги покрива сите нивни барања за континуирано следење на температурата, алармирање, редовно известување и можност за графички и табеларни извештаи за измерените температури. Ова решение во исто време ги пополнува сите извештаи предвидени со стандардите за производство на храна ( HACCP, ISO 22000, итн)

Ако сакате повеќе информации за АМБИОН системот за мониторинг, Ве молиме слободно контактирајте со нас. Можете да ни испратите порака, да оставите коментар, или да не побарате на 075/356-233, нашиот тим ќе биде среќен ако може да Ви помогне.

Заинтересирани сте за нашата понуда, контактирајте не и договорете презентација на нашето решение. 

5 Предности од користење на систем за мониторинг на температурата и релативна влага

Постојат неколку начини за следење на амбиенталните услови во простгориите за складирање. Најчесто користен начин е употребата на мали, базични логери на податоци. За одредени апликации, логерот за податоци е доволен, на пример, за следење на  температура и  влага во простории, каде што нема опасност од оштетување на производите и едноставно Ви е потребна евиденција за референтни цели.

Меѓутоа, ако имате производи чувствителни на промена на температура и релативна влага, особено ако нема да бидете во просториите 100%  од времето, системот за мониторинг на амбиентални вредности со вклучен аларм кој континуирано ги следи состојбите ќе ви биде од огромна корист.

Постојат многу предности за користење на систем за следење на температурата и релативна влажност, подолу ние составивме 5 клучни фактори кој овој систем го потврдуваат како ефикасен метод за одржување на стабилни услови во просториите за чување на производи осетливи на промена на температура и релативна влага.

1) Заштедете пари

Користењето на систем за континуирано следење на температурата и релативна влага  ќе ви заштеди пари на долг рок, за потрошените акции, отповикувањата на производите итн. Ако постои потенцијален проблем, веднаш ќе бидете известени, пред да биде предоцна.

2) Ефикасно и соодветно

Сите извештаи автоматски се подготвуваат за вас, Вие не морате да мрднете со прст. Сите извештаи ќе бидат испратени до вас секое утро преку е-пошта.

АМБИОН Систем за следење на температура и релативна влажност

3) Достапно од било каде

Моменталните вредности на амбиенталните параметри можете да ги следите на секој уред (лаптоп, десктоп, мобилен, таблет) и од секоја локација. Извештаите и алармите  може да се праќаат директно до вас преку е-пошта и SMS за да не треба да губите време за проверка на секој одделен сензор во различни простории.

4) Лесен за користење

Некои системи за следење бараат  сложена инсталација и одржување што одземаат многу време, но со АМБИОН системот на Зонел Софтвер се е многу едноставно за поставување а неговото користење е многу едноставно и корисниците брзо се прилагодуваат на неговото користење.

5) Поповолно одошто мислите

AMBION Системот е достапен веќе од 490 евра и со големиот број на можни прилагодувања  е достапен за најразлични бизниси од мини маркети со неколку  фрижидери до големи производствени капацитети со голем број на ладилни комори и магацини каде има 100-тина мерни точки.

АМБИОН Системот за следење на температура и релативна влажност нудат пристапна цена, но сигурно решение за оние кои треба постојано да ги следат амбиенталните вредности во сите простории. Се надеваме дека 5 предности што се наведени погоре ќе ви помогнат да го одберете решението кое најдобро ќе одговори на вашите барања.

Ви требаат дополнителни информации?

Ако сакате повеќе информации за АМБИОН системот за мониторинг или имате дополнителни барања за кои сакате да разговарате, Ве молиме слободно контактирајте со нас. Можете да ни испратите порака, да оставите коментар, или да ни повикате на 075/356-233, нашиот тим ќе биде среќен ако може да Ви помогне.

Заинтересирани сте за нашата понуда, контактирајте не и договорете презентација на нашето решение.