Posts

Следење нa температура при производството на колбаси

Примена: Следење на температура при производството на колбаси

За да се обезбеди производство на стандардни и висококвалитетни преработки од месо при производство на колбаси треба да се потврди дека температурата за време на производствениот процес се одржува на соодветно ниво за да се елиминира можноста од  појавата на патогените, производствените погони треба да имаат точна  и сигурна опрема за континуирано следење на температурата и алармирање при надминување на дозволените граници.

Позадина:

Преработените месни производи (колбаси) се сметаат за потенцијално опасна храна (ПХФ), имено храна која бара контрола на температурата за да сме сигурни дека имаме производ кој е соодветен за кознумирање од нашите корисници.

Температурата на готвење и ладење за време на процесот на производство на овие производи мора внимателно да се следи и контролира со цел да се почитуваат меѓународните стандарди и прописи (HACCP, ISO, GMP, FDA, BRC, FSIS итн.), За да се обезбеди стандарден и висококвалитетен производ и да се потврди дека температурата за време на процесот се одржува на соодветно ниво за да се елиминираат патогените.

Фабриката за производство  на колбаси треба да има точна и сигурна опрема за следење, вклучувајќи систем за  чување на измерените податоци  и систем за алармирање за да се обезбеди дека температурите за време на производствените процеси се во дозволените граници.

Proizvodstvo na kolbasi

Можни корисници:

Сите преработувачи на месо кој сакаат да ги задоволат највисоките законски стандарди и во исто време да ги задоволат барањата на најпребирливите купувачи.

Клучни предизвици за клиентите:

При производство на колбаси и други месни производ, компанијата треба да ги подготвува своите прехранбени производи во печки за време на производствениот процес со цел да ги уништи паразитите и патогените бактерии, со што ќе резултира со безбедни производи.

Процесот на ладење, исто така, треба внимателно да се следи и контролира. Различни комбинации на време на подготовка и ладење може  да се користат во процесот на готвење, ладење и чување во фрижидери.

  • Фабриките работат секогаш со повеќе печки и повеќе ладилници, што значи дека секогаш има повеќе производи кои го поминале процесот на готвење и чекаат за процесот на ладење. Во овој случај, системот за следење може да се користи за следење на производите по процесот на готвење за да се осигура дека тие се правилно оладени. Внатрешната температура треба да се контролира и да се намали од 55 °C до 26 °C за не повеќе од 5 часа.
  • Температурата на производите исто така мора да се следи додека се складирани во фрижидерите за да се обезбеди внатрешната температура на производот да се доведе од 26 °C до 7 °C за не повеќе од 10 часа.
  • Фабриката мора да има решение за да може да ја потврди вистинската температура во ладилникот секогаш кога постои сомневање за јаз помеѓу температурата од контролерот на ладилникот и реалната температура.
  • Компаниите има потреба од алатка која им овозможува да ја следат температурата на производот во ладилникот и во текот на периодот кога не се во самите објекти со што се потврдува дека нивните производи секогаш се чуваат на соодветна температура

АМБИОН Систем за мониторинг на температура

АМБИОН на компаниите производители на колбаси и други преработки од месо им обезбедува алатка која ги покрива сите нивни барања за континуирано следење на температурата, алармирање, редовно известување и можност за графички и табеларни извештаи за измерените температури. Ова решение во исто време ги пополнува сите извештаи предвидени со стандардите за производство на храна ( HACCP, ISO 22000, итн)

Ако сакате повеќе информации за АМБИОН системот за мониторинг, Ве молиме слободно контактирајте со нас. Можете да ни испратите порака, да оставите коментар, или да не побарате на 075/356-233, нашиот тим ќе биде среќен ако може да Ви помогне.

Заинтересирани сте за нашата понуда, контактирајте не и договорете презентација на нашето решение. 

Зошто е важно следењето на температурата во сервер собите?

Сервер собите во еден центар за податоци се исполнети со најразлична компјутерска опрема и системи за ладење за да се обезбедат услови во кои температурата на серверите ќе остане во рамките на дозволениот температурен опсег. Секоја од компаниите кои изнајмуваат простор во центарот за податоци зависат од оптимална функционалност на опремата во овие простории. Тоа е причината зошто ИТ менаџерот треба да се осигура дека серверите работат со полн капацитет во текот на целиот период.

Но како менаџерите на центарот за податоци да бидат успешни, кога станува збор за одржување на ИТ опрема? Како центрите за податоци може да  задржат високо ниво на функционалност, а во исто време да се обезбеди намалување на трошоците и намалено користење на енергија? Еден важен начин е преку следење на температурата во сервер собите.

Температурата и компјутерската опрема

Компјутерска опрема генерира многу топлина. Затоа, потребни се системи за ладење за одржување на пониска температура за да се обезбеди безбедноста на машини. Следењето на температурата  им помага на менаџерите за да се постигне оваа цел. Според списанието  Computer Weekly мониторингот на температура во центарот за податоци е од клучно значење за спречување на пожари.

Постои прифатлив опсег за температура и влажност во еден центар за податоци. Computer World истакна во 2013 година дека се препорачува користење на температури од 22 °C до 26 °C, тврдејќи дека тоа би можело да намали од 4 до 5 проценти во трошоците за енергија за секој еден степен на повисока температура. Сепак, според Американското друштво на инженери за греење, ладење и климатизација за да се постигне максимална ефикасност во заштеда на енергијата, највисоката температура во центрите на податоци треба да е околу 32°C.

серверски соби

Како што можете да видите, овие насоки за оптимални температури во центрите за податоци се менуваат постојано. Поради зголеменото внимание  на јавноста за енергетската ефикасност, даватели на услуги во центрите за податоци се обидуваат да најдат нови начини да се намалат трошоците и да се намали нивното негативно влијание врз животната средина.

Како одговор на константниот притисок за т.н. зелена енергија компаниите вложуваат се повеќе напори за да бидат поефикасни во нивното функционирање а во исто време да заштедат повеќе енергија. Со други зборови за центрите на податоци заштедата на енергија е од огромно значење – но како да овие центри станат поефикасни и да стигнат до т.н. “зелена„ позиција?

Важноста од мониторинг на температурата во сервер собите

Следење на температурата во просторијата на серверот може да направи голема разлика кога компаниите се обидуваат да  заштедат пари и да го намалат нивното негативното влијание врз околината на долг рок. Сензорите за температура и релативна влага поставени на стратешки позиции низ сервер собите може да им овозможи на менаџерите на центарот за податоци информации во реално време за температурата и релативната влажност во објектот во секое време.  Со овие податоци, ИТ менаџерите навремено ќе имаат информации за тоа дали да се прилагоди системот за ладење, потенцијално елиминирање на опасните точки и спречување на пожари.

Кога компаниите инвестираат во АМБИОН систем за следење на температура и релативна влажност мошне брзо ќе ја увидат разликата и во енергетската ефикасност и во намалување на трошоците. АМБИОН  поседува и сопствен систем за алармирање преку СМС и електронска пошта, така што компаниите имаат информација во секој момент за проблематични температури. На овој начин, преку алармите и комплетните извештаи за движењето на измерените вредности во одреден период и на одредени точки во просторијата се овозможува постојано прилагодување на системите за ладење со што температурата може лесно да се управува и во центрите за податоци може да се постигне максимална ефикасност и голема заштеда на потрошена енергија.

За повеќе информации или презентација на АМБИОН систем за следење на температура и релативна влажност нашиот Тим Ви стои на располагање.

АМБИОН – Иновативно решение за безбедна храна

Во Македонија се произведува и се консумира здрава храна и не е голем процентот на штетни емисии во воздухот и во почвата во споредба со соседните земји. Трендот со органското производство, пак, ја зголемува довербата кај потрошувачите за набавка на безбедни производи од животинско и растително потекло. Сепак, компаниите кои се занимаваат со производство на храна треба да посветат поголемо внимание на исполнувањето на одредени стандарди за чување на квалитетот на храната, со што ќе ја зголемат и конкурентноста.

Ова, меѓу другото, беше констатирано на вчерашниот настан во организација на Зонел Софтвер, Стопанската комора на северозападна Македонија, СКСЗМ, и ЦС Констан посветен на стандардите и исправниот режим на чување и на манипулација на храната, како клуч за безбедност на храната.

Според Фатмир Битиќи, извршен директор на СКСЗМ, обуките претставуваат нов сегмент во работењето, со цел да се види колку компаниите се подготвени да бидат конкурентни, имајќи го предвид квалитетот на храна што го нудат.

Гоце Џуровски од „Зонел Софтвер“ појасни дека нивното софтверско решение што им се нуди на компаниите, претставува мониторирање на температурата и на релативна влажност на операторите кои работат со храна и кои можат да наидат на проблеми, како што е расипувањето и неодржувањето на нивото на квалитетот на храната.

„Ова целосно им ги решава сите потреби во согласност со законите, а посебно во однос на ХАСАП-стандардот. Дневникот на температури кои треба да се мери, автоматски ќе се пополнува. Меѓутоа, ова решение овозможува и целосна анализа на она што се работи, во однос на температурата за производот, но ќе се алармира во случај на надминување на одредени вредности“, истакна Џуровски.

Инаку, нехигиенските услуги во производството, немањето на декларации и непочитувањето на стандардите се најчестите поплаки што потрошувачите ги доставуваат до Агенцијата за храна и ветеринарство.

„Го презентиравме стандардот за квалитет на храната кај малите и средните производители за храна, што е присутен во Баварија, но наоѓа примена и на Балканот. Со овој стандард производителите на храна во регионот имаат можност да добијат полесен пристап до пазарите во ЕУ“, истакна Жан Станоевски од компанијата „Констант“.

Според професорот Мишо Христовски од Факултетот за ветеринарна медицина, во Македонија нема многу штетни емисии, но сепак се произведува здрава храна.

„Трендот со органското производство ја зголемува довербата кај потрошувачите кои сакаат да обезбедат сигурни производи од животинско и од растително потекло. Ценам дека во Македонија има безбедна храна, за разлика од некои наши соседи, како што се Косово и Бугарија“, рече Христовски и порача дека граѓаните можат да им веруваат на институциите и на производителите за безбедноста на храната.

Настанот во Медиумите: Вечер, Утрински Весник, Репортер, Plusinfo.mk, МИА

Ладен ланец при работа со храна

Еден од почетните услови за функционирање на НАССР е  ладен ланец. Одржувањето на ладен ланец во текот на сите фази на работата со храна треба да се сфати многу сериозно.

Одржувањето на ладен ланец се однесува на сите субјекти кои се вклучени во манипулацијата со храна.

Од производството до потрошувачката, оладената и смрзната храна треба континуирано да се чува на исправна температура. Ваквата постапка е позната како ладен ланец.

Контрола на температурата:

Заради почитување на ладниот ланец потребно е секој ден да се следи температурата на подрачјето за разладување. Според прописите потребно е евидентирање на таквите контроли во текот на целата година. Идеалното решение вклучува централизирано забележување поврзано со систем за аларм.

Важно е да се одреди каде, кој, кога ја мери и надгледува температурата, која е препорачаната температура, и она што често се заборава, што се превзема во случај на отстапување.

Обврска за следење на температурата постои секаде во просториите каде се пакуваат, преработуваат или складираат производи осетливи на температура.

Laden Lanec HACCP

За сите овие локации компанијата е обврзана да води дневници за температура или документирани отпечатоци од термометар за следење кои секојдневно треба да бидат потпишани од страна на надзорникот. Доколку мерењата се евидентираат мануелно, во дневникот треба да се забележи временскиот интервал кога биле направени отчитувањата. Временскиот интервал е различен за различни типови на индустрии и се движи од потреба на запишување на температурата на секои 2 часа до 3 пати дневно за помалите продавници и ресторани.

Сакаме да Ве информираме дека со AMBION ги избегнувате сите проблеми со овој закон.

AMBION – Интелигентен систем за мониторинг на температура и релативна влажност е решение кое Ви овозможува комплетно автоматско регулирање на Вашата законска обврска за следење и евидентирање на температурата.

AMBION Ви овозможува автоматско пополнување на Дневник на температура за HACCP. AMBION ослободува најмалку еден Ваш вработен од обврската од мануелно пополнување на Дневникот на температура а во исто време не дозволува грешки настанати поради човечки фактор при мануелно читање на температурата.

За сите информации нашиот тим Ви стои на располагање.

Соодветна температура и релативна влажност при суво зреење на месото

Сувото зреење на месо е процес на чување месо без заштитна амбалажа, на температура од 1-4 оС во период од една до пет недели, за да се овозможи контролирано одвивање на природните ензимски и биохемиски процеси кои треба да резултираат со поголема мекост и создавање на специфичен вкус.

Период на зреење – Периодот на зреење варира и во праксата и низ литературата. Минималниот период за зреење и постигнување почетни промени на квалитетот на месото изнесува 14 дена.

meso cold

Температура на зреење – Температурата при складирањето многу е битно да е над температурата на мрзнење на месото (-2 до -3°C), заради тоа што на тие температури сопираат ензимските процеси кои се вклучени во зреењето. Ако температурата е повисока, ензимите кои учествуваат во зреењето ќе го забрзаат процесот, што и не претставува посебен проблем. Сепак, зголемувањето на температурата доведува до зголемување на бројот на микроорганизмите кои ќе го забрзаат процесот на расипување со појава на лош мирис и вкус. Заради тоа одредувањето на идеалната температура е предуслов за доброто зреење на месото. Литературата кажува дека температурата се движи помеѓу 0 – 4°C.

Влажност – Едно од најчестите прашања во врска со параметрите за зреењето е релативна влажност во просторијата за зреење на месо. Високиот процент на влага, во коморите за зреење, предизвикува размножување на бактериите кои предизвикуваат расипување а со тоа и појава на лош мирис и лош вкус. Од друга страна, ако влажноста е на многу ниско ниво, ќе дојде до зголемено губење на водата од површината на месото и собирање на месото. Општ заклучок е дека релативна влажност во коморите за зреење на месо се движи во границите од 75% до 85%.

Мониторинг на температурата и релативната влажност – Мониторингот на температурата и релативната влажност во текот на сувото зреење на место е од огромна важност. Мониторингот овозможува редовно следење на вредностите на температурата и релативната влажност во комората за зреење и навремено реагирање при секоја промена на овие параметри над дозволените вредности. АМБИОН – Системот за мониторинг на температура и релативна влажност е решение кое овозможува автоматизирано и прецизно следење на овие параметри и нивна анализа што овозможува од процесот на суво зреење на месото да произлезе безбеден и квалитетен производ кој ќе се дистрибуира до крајните потрошувачи.

Одржување на храната на соодветни температури во угостителски објекти

АМБИОН Системот за мониторинг на температура наоѓа примена во угостителската дејност во делот на одржување на храната во трите  процеси на одржување на храната: топло, ладно или млако.

Сите три процеси може да вклучат одржување на храната, односно топло, ладно или пак млако. Кога постои чекор готвење со кој се елиминираат бактериите, сите бактерии кои формираат спори би требало да се уништени. Ако готовата храна не се одржува на соодветна температура или е отсутна контролата на температурата во соодветно време, формирањето и брзиот раст на овие бактерии претставува голема опасност.

Кога храната се одржува изладена и се подгрева во објектот, постои зголемен ризик од загадување предизвикано од персоналот, опремата, процедурите или други фактори. Штетните бактерии кои се појавуваат во еден производ кој не се одржува на соодветна температура, имаат можност да се размножат во голем број во краток временски период.

Одржувањето на прехранбени производи на температура од или повеќе од 65oC во текот на жешкото одржување и одржувањето на прехранбени производи на или под 4 oC при ладно чување, е ефикасно во спречување на раст на бактерии. Како алтернатива на контролата на температура, постојат активности кога за контрола се користи единствено времето, вклучувајќи и еден сеопфатен систем за мониторинг и означување со што ќе се обезбеди безбедност на храната.

Со тоа колку често се следи температурата на храната во текот на жешкото одржување се одредува каков тип на корективна акција сте во можност да превземете кога не е исполнет условот за температура од или преку 65 oC. Ако критична граница не е исполнета, вашите опции за корективна акција може да вклучуваат оценување на времето кога храната е надвор од температурата, за да се утврди веројатноста за појава на опасности, и врз основа на таа процена, да се одреди дали храната ќе се подгрее или ќе се исфрли.  Фреквенција на мониторинг во текот на оваа функција може да значи разлика помеѓу подгревањето на храна до 75 oC или нејзино исфрлање како несоодветен производ.

При утврдувањето на фреквенцијата на мониторингот на температурата на изладените производи, се препорачува да се одреди интервал помеѓу проверка на температурата, со што ќе се осигура, дека опасностите се контролираат соодветно и обезбедено е време за соодветна корективна акција. На пример, ако потенцијално опасни готвени јадења се чуваат во ладилник, како на пример компир салата на салата бар, може да одлучите да поставите критична граница на 4 oC или помалку. Вие исто така може да поставите цел или оперативена граница, пониска од 4oC, со цел да се обезбеди безбедносно перниче што Ви овозможува да го видите трендот на зголемување над 4 oC и да интервенирате со соодветни корективни дејствија.

АМБИОН овозможува  поставување на најразлични фреквенции на мониторинг за секоја мерна точка, а во исто време Ви овозможува и поставување на соодветни аларми за секоја мерна точка во секој од  постојните процеси на одржување на храната. Ова решение во исто време соодветно ги документира податоците за измерените температури во одреден период и истите можете да ги прегледувате, печатите, гледате графички приказ и да правите други анализи кои ќе Ви овозможат подобрување на процесот на одржување на храната во Вашиот угостителски објект.

За повеќе информации  на следниот линк: АМБИОН