Чувар на Вашите производи!

Расипани производи! Фрлена храна! Фрлени пари! Загубен углед! Загубени клиенти! Загубени нерви! Криза! Не постои ниту еден производител или трговец со прехранбени производи или лекови над чија глава не лебди страв од овие проблеми. Ова се и главните причини за згаснување на многу производствени компании. Храната е одговорност. Храната е здравје! Како до безбедни производи? Како да го задржите квалитетот на Вашите производи? Како да внесете сигурност кај Вашите клиенти? Како до зголемена продажба? Како до стабилен производствен бизнис? Имаме одговор за сите Ваши прашања:

Мониторингот значи дека се грижите

Работите кои ни се Важни ги чуваме. Мониторингот значи дека сте будни! Мониторингот значи дека се грижите. Мониторингот на производите е грижа за она што е суштина на Вашиот бизнис. Како да обезбедите идеален мониторинг за Вашите производи? Многу производители долго време немаа алатка која ќе им обезбеди комплетен мониторинг. Колку и да имате квалитетен систем за ладење, одржувањето на идеална температура е голем проблем бидејќи за истата влијаат премногу фактори. Без разлика дали промената на температурата е поради предолго оставање на вратата на фрижидерите отворена, проблем со системот за ладење или грешка на вработените, најголем проблем е навремено откривање на проблемот. Рачното евидентирање на температурите остава можност за грешки. Немањето можност на технолозите и менаџментот да имаат увид во реално време на температурите е немоќ кој дополнително го отежнува менаџирањето. Токму затоа, инвестиравме во нов, современ пристап во мониторирањето на производите. Останете будни! Закажете бесплатен консултативен разговор!

храната

Што значи Ambion за Вашиот бизнис?

Проблемите се кои се соочуваат производителите и трговците со расипливи производи, многу често знаат да ги оттргнат од работите кои им се навистина важни. Немањето целосна контрола над сите процеси од производство до складирање и дистрибуција на храната е горка мака која значи тивка стагнација на бизнисот. Ambion е решение кое Ви помага да ја имате контролата над бизнисот во свои раце. Никогаш повеќе нема да зависите од факторот човекова грешка. Никогаш повеќе нема да имате страв од инспекции. Ambion не е систем за мониторинг кој само ќе Ви го продадат, па Вие да му ја мислите како ќе го инсталирате, дали ќе функционира и да се чудите што да правите кога ќе се појават првите проблеми. Конечно имате можност да соработувате со компанија која искрено се грижи за Вашиот бизнис. Позади Ambion стои тим на луѓе кои се грижат сè да биде во најдобар ред. Конечно имате беспрекорен чувар на Вашите производи:

  • Ги чуваме Вашите призводи во најдобар квалитет.
  • Ги чуваме Вашите клиенти од секаков ризик на труење од расипани производи.
  • Го чуваме Вашиот углед.
  • Го чуваме Вашето реноме.
  • Ги чуваме Вашите соништа.

Напредокот не е резултат на укажани можности туку на одлука за промена. Можностите без вистинска одлука не значат ништо. Донесете одлука за безбедни производи. Донесете одлука за стабилен и просперитетен бизнис! Побарајте повеќе информации!

Зошто е важно да го дигитализирате HACCP системот?

Со воведувањето на HACCP системот, прехранбената индустрија изминативе 50 години бележи значителни промени во насока на безбедност и квалитет на прехранбените производи. Но сепак, поразувачки податок е тоа што и денеска во ера на дигитализација и технолошки развој голем број на компании HACCP системот го спроведуваат со помош на хартија и пенкало. Во продолжение прочитајте зошто е важно да го дигитализирате HACCP системот:

Каде потфрлуваат хартијата и пенкалото?

Една од најкомплексните точки во спроведувањето на HACCP системот е мониторингот на амбиенталните вредности и точната евиденција на температурните промени. Токму во овој сегмент најмногу потфрлува стариот добар начин на рачно хартиено евидентирање на податоците. Рачното пополнување на списоците одзема премногу време, ја намалува продуктивноста на вработените и подлежи на факторот човекова грешка. Покрај ова, можеби најголемиот пропуст е во тоа што рачната евиденција им ја ускратува можноста на технолозите и менаџерите во реално време да ја следат промената на температурните вредности.

Следење во реално време значи дека со помош на дигитализацијата имате можност за поставување на критични вредности на температурна промена за кои системот ќе Ве алармира. Ова е многу значајно бидејќи многу производствени компании имаат повеќе комори каде се складира храна, а рачното проверување не секогаш обезбедува можност за навремена реакција.

HACCP системот

Дигитализацијата е одлична можност да ги заштитите податоците. Хартијата не е сигурна бидејќи постои можност да се оштети или изгуби поради различни околности. Дигитализацијата на HACCP системот е сигурен пат за безбедни и квалитетни производи.

Дигитализацијата значи дека се грижите за Вашите клиенти

Одговорноста која ја имаат производителите на храна и лекови е значително поголема од останатите производители. Не постои можност за грешка. Пуштање во промет на расипани производи значи крај за Вашата репутација. За жал, луѓето не простуваат грешки од овој вид. Одговорна компанија сигурно не би си играла со здравјето на своите клиенти. Додека во минатото можеби и постеле можности за изговори, со развојот на технологијата таа привилегија се чини дека е целосно елиминирана. Искористете ја можноста за целосна дигитализација. Технолошкиот развој не би имал никаква поента и смисла доколку не работи во полза на човештвото.

Квалитетен систем за мониторинг на амбиентални вредности е алката која долго време недостасуваше за максимална имплементација на HACCP системот. Автоматското пополнување на HACCP извештаите, темелната електронска документација, извештаите и системот за електронско алармирање по пат на СМС или Е-Маил ќе Ви помогне да останете мирни и да имате контрола над Вашиот бизнис каде и да се наоѓате. Мониторингот значи дека имате целосна контрола над ситуацијата. Останете будни! Само компанија која искрено се грижи за своите клиентите ги оправдува своите цели. Доколку имате повеќе прашања околу тоа како може целосно да го дигитлизирате HACCP системот во Вашата компанија, подготвени сме да Ви пружиме максимална поддршка. Закажете консултативен разговор!

Колкава е важноста на квалитетот на воздухот во затворен простор

Дали квалитетот на воздухот во работните или во станбените простории е фактор кој влијае на здравјето и безбедноста?  Ова прашање стана актуелно во последниве години. Одговорот е дека квалитетот на воздухот во затворен простор е важен фактор кој влијае на  здравјето и безбедноста. Вообичаени проблеми поврзани со квалитетот на воздух се следниве:

  • Неправилни или несоодветно одржувани системи за греење и вентилација.
  • Загадување од градежни материјали, лепила, фиберглас, бои, хемикалии и др.
  • Зголемување на бројот на луѓе во зградите и периодот кое луѓето го поминуваат во затворен простор.

Кои се честите причини за проблеми со квалитетот на воздухот во затворен простор?

Проблемите со квалитетот на воздухот во затворени простории се резултат на интеракција помеѓу градежни материјали и мебелот, активности во рамките на зградата, климата и луѓето во објектите. Проблемите со квалитетот на воздухот во затворен простор може да произлезат од повеќе причини:

  • Внатрешната околина – несоодветна температура, влажност, лоша циркулација на воздухот, проблеми со системот за вентилација.
  • Загадувачи на воздухот во затворен простор – хемикалии, прашина, мувла или габи, бактерии, гасови, пареи, мириси.
  • Недоволно проветрување.

Кои се загадувачите на воздухот во затворен простор?

Ова се дел од вообичаени загадувачи на воздухот во затворен простор и нивни главни извори:

  • Јаглерод диоксид (CO2), чад од тутун, парфем, мирис на телото – од луѓето во објектите.
  • Прашина, фиберглас, азбест, гасови, вклучително и формалдехид – од градежни материјали.
  • Токсични пареи, испарливи органски соединенија – од средства за чистење на работното место, растворувачи, пестициди, средства за дезинфекција, лепила.
  • Гасови, пареи, мириси – испуштање на гасови од мебел, теписи и бои.
  • Грињи – од теписи, ткаенини, душеци.
  • Микробно загадувачи, габи, мувла, бактерии – од влажни подрачја, застојана вода и кондензација.
  • Озон – од фотокопири, електрични мотори, електростатски средства за чистење на воздухот.

квалитетот на воздухот

Кои симптоми честопати се поврзани со слабиот квалитет на воздухот во затворен простор?

Вообичаено е луѓето да пријават еден или повеќе од следниве симптоми:

  • Сувост и иритација на очите, носот, грлото и кожата
  • Главоболка
  • Замор
  • Задишување
  • Преосетливост и алергии
  • Проблеми со синусите
  • Кашлање и кивање
  • Вртоглавица
  • Гадење

Луѓето обично ги забележуваат овие симптоми после неколку поминати часови на работа во затворен простор и се чувствуваат подобро откако ќе го напуштат затворениот простор или кога се повеќе време на отворен простор во природа на викенд или на одмор.

Многу од овие симптоми може да бидат предизвикани од други здравствени состојби, вклучувајќи обични настинки или грип, и не мора да се должат на лошиот квалитет на воздух. Овој факт може да го отежне идентификувањето и решавањето на проблемите поврзани со лош квалитет на воздух во објектите за работа или живеење.

Направете го првиот чекор во решавање на проблемите со квалитетот на воздухот во затворен простор!!!

За да се започне со решавање на еден проблем треба најпрвин истиот да се идентификува. Кога се работи за квалитет на воздухот во затворен простор првиот чекор е систем за мониторинг на квалитетот на воздухот во вашите простории. Мониторирање на амбиенталните параметри ќе Ви овозможи да имате информации каков е квалитетот на воздухот во Вашите работни или станбени простории.

AMBION е паметен систем за мониторинг на амбиентални параметри (Температура, влага, CO2, PM2.5 и PM10 честички). Ова решение не само што ги следи овие параметри туку Ви овозможува детални табеларни и графички извештаи за измерените вредности во одреден период за одредена мерна точка. Во исто време Ви овозможува да поставите и соодветни аларми за секоја мерна точка во секоја Ваша просторија и секогаш навреме да имате информација за проблемите со квалитетот на воздухот во Вашите простории.

Луѓето се нашето најголемо богатство, направете веднаш  вистински чекор кон заштита на здравјето на Вашите вработени или Вашата фамилија. Закажете бесплатна презентација за AMBION веднаш!

Зошто мониторингот на температура е од витално значење во време на пандемија?

Во услови на пандемија и економска криза производството и дистрибуцијата на храна и лекови е еден од најважните процеси за секоја држава и општество. Безбедноста и квалитетот на овие производи е основна цел на сите производствени и трговски компании. Еден од најважните сегменти во производствениот и дистрибутивниот процес е обезбедување на идеални амбиентални услови на производите во целиот овој процес. Без прецизно и точно евидентирано мониторирање на амбиенталните вредности производителите и трговците не можат да бидат сигурни и да гарантираат за безбедноста на своите производи. Во продолжение прочитајте зошто мониторингот на температура е од витално значење во време на пандемија:

Отежната дистрибуција на храна и лекови

Поради рестрикциите за движење, намаленото работно време и капацитет на компаниите, целиот дистрибутивен процес за време на пандемија се одвива во отежнати услови. Сето ова ја зголемува потребата производите да бидат чувани и дистрибуирани во идеални услови, како би го продолжиле рокот на траење и квалитетот на производите во услови кога и малопродажните компании и потрошувачите прават поголема залиха на храна и лекови.

Храната мора да се чува на точно определена температура за време на транспортот за да се спречи растот на бактериите кои предизвикуваат труење со храна.

  • храната што треба да се лади мора да се чува под 5 ° C
  • топлата храна мора да се чува над 63 ° C
  • замрзнатата храна мора да се чува на -18 ° C

Доколку имате прашања како да креирате беспрекорен систем за мониторинг на температура во Вашиот производствен погон, магацин или дистрибутивно возило, повеќе совети можете да побарате тука.

пандемија

Регулативи на Светска здравствена организација (СЗО)

Светската здравствена организација (СЗО), исто така, има конкретни упатства за добра пракса за складирање на лекови, каде се наведени посебни услови за чување на производите (на пример, температура и релативна влажност), кои треба да бидат обезбедени и да се следат и евидентираат. Се препорачува лековите да се чуваат во амбиентални услови на суви и добро проветрени простории на температура од 15-25 ° C.

СЗО опфаќа насоки и за транспортот и препорачува користење на уреди за следење на температурата да се користат и при транспорт на лековите.

СЗО препорачува дека податоците кои се евидентирани за време на  мониторингот на  температурата треба да биде достапни за разгледување и дополнителни анализи. Европската добра дистрибутивна пракса препорачува температурно мапирање и редовна калибрација на опремата за следење.

Во криза не смеете да си дозволите загуби на стоката

Несомнено пандемијата ќе предизвика економска криза која ќе го доведе во опасност опстојувањето на многу микро и мали компании. Исто така, во услови на економска криза, проблемот со расипување на поголем број на производи може да значи крај за многу мали и микро бизниси. Покрај обезбедувањето на протокот на пари и средства за нормално функционирање на бизнисот, производствениот и дистрибутивниот процес е многу важен, од проста причина што не смеете да си дозволите да фрлите поголема количина на стока поради расипување. Мониторингот на температурата ја игра една од најважните улоги во безбедноста и квалитетот на Вашите производи.

Моќно решение за безбедни производи

Три карактеристики се најважни кои мора да ги поседува Вашиот систем за мониторинг на амбиентални вредности:

  • Навремено алармирање за промената на температурата
  • Темелна документација и извештаи
  • Исполнување на сите стандарди и автоматско пополнување на HACCAP извештаите

Креиравме моќно решение кое ја гарантира безбедноста и квалитетот на Вашите производи. Не мора повеќе да се грижите дали Вашите вработени ќе потфрлат во контролата на производствениот процес. Ја елиминиравме секоја можност за човечка грешка. Отсега ќе имате комплетна контрола на Вашиот бизнис и од Вашиот дом со помош на интелигентно решение кое ќе Ве алармира по пат на SMS или e-mail доколку има било каква промена на температурите во вашиот производствен погон или магацин. Одберете безбедни и квалитетни производи за стабилен бизнис! Закажете бесплатен консултативен разговор!

Топ 5 причини зошто следењето на концентрација на СО2 е одлична идеја

CO2 веќе неколку години е многу жешка тема главно заради поврзаност со климатските промени и владините политики на таа тема. Оставајќи го ова настрана, контролирање и следење на внатрешното ниво на јаглерод диоксид во внатрешните простории на објектите е важно  поради тоа што секој треба да размисли за безбедноста, здравјето па дури и енергетска ефикасност. Еве 5 причини зошто треба во секој случај да го следите нивото на концентрација на СО2 во вашите работни простории.

1: СО2 може да се зголеми многу брзо во слабо проветрени простории

Нивото на концентрација на СО2 може да се зголеми многу брзо во слабо вентилирана канцеларија. На пример, во  простор со големина од 3,5 на 4 метри со само едно лице во просторот, CO2 може да се зголеми од 500 ppm на над 1000 ppm за само 45 минути при прекин на вентилацијата.

2: Зголемените нивоа на СО2 директно влијаат врз човековото расудување

Според неодамнешната студија од Школата за јавно здравје на Харвард, јаглерод диоксидот има директен, негативен ефект врз донесувањето на човечки одлуки и расудувањето. Овие влијанија беа забележани на нивоа на концентрација на СО2 на кои повеќето луѓе и нивните деца честопати се изложени во денешно време во училници, канцеларии и домови.

3: Јаглерод диоксидот може да ве убие

Во воздухот обично има концентрација на СО2 од околу 400 ppm и човечкиот здив содржи околу 30,000 ppm. Концентрациите на јаглерод диоксид во воздухот од повеќе од 20,000 ppm можат да предизвика задишување. Концентрациите над 100.000 ppm на CO2 ќе предизвикаат губење на свеста. Вредностите поголеми од 250.000 ppm имаат потенцијал да доведат до смрт. Јаглерод диоксидот може да биде опасен на 1 од 2 начина: со одземање на кислородот во крвотокот или кога делува како отров.

концентрација на СО2

4: Јаглерод диоксидот може да ја намали продуктивноста

Во училницата или канцеларијата, докажано  е дека зголемените нивоа на јаглерод диоксид, во опсег помеѓу 1.000 ppm и 2.500 ppm, предизвикува главоболките, го намалуваат нивото на користењето на информациите, ги намалуваат перформансите во целина и го зголемуваат нивото  на деконцентрација.

5: Следење на јаглерод диоксидот за енергетска ефикасност

Во текот на последните неколку години, голем број на раководители на објекти се насочуваат кон следење на јаглерод диоксид за т.н Контролирана вентилација. Единиците за вентилација автоматски ја поставуваат количината на внес на воздухот имајќи го во предвид максималниот волумен на канцеларијата. Ова важи подеднакво за канцеларии, простории и училници. Ова е честопати менливо и непредвидливо, што доведува до енергетска неефикасност преку прекумерна вентилација. Следењето на нивото на јаглерод диоксид и автоматизирање на вентилацијата до внесот на воздухот до претходно дефинирани нивоа на СО2, да речеме 800 ppm, ќе доведе до вентилација само кога е потребно. Една неодамнешна студија откри дека мерењето на СО2 при процесот на вентилација ќе заштеди помеѓу 5% и 80% на трошоците за енергија во споредба со фиксно поставени параметри за вентилација.

Колку СО2 е премногу?

Тековните упатства за вентилација сугерираат дека внатрешните нивоа на концентрација на  СО2 не смеат да ја надминуваат локалната концентрација на СО2 на отворено за повеќе од приближно 650 ppm. Во добрата практика наведена во  “ASHRAE Standard 62,1 стои дека нивото на јаглерод диоксид во воздухот во затворен простор треба да е приближно 1030 ppm.

Ова се само неколку од причините зошто мерењето на нивото на СО2 во вашиот простор е од голема важност. Може да ја измерите концентрацијата на СО2 во затворен простор со нашето решение за мониторинг на СО2AMBION System –  решение за мониторинг на амбиентални параметри.

Со ова решение не само што можете да го следите нивото на концентрација на  CO2 во Вашите простории на повеќе мерни места, туку можете да дефинирате и аларми за надминати дозволени вредности за секоја од тие позиции. Ова решение Ви овозможува и анализа на измерените податоци за одреден период за секоја мерна точка.

Немојте да одолговлекувате, заштитете се себеси и Вашите вработени, започнете со мониторинг на CO2 во Вашите простории уште денеска. Тимот на AMBION System ви стои на располагање.

Закажете бесплатна презентација.

Ново: Мониторинг на PM честички со Вашиот Ambion!

Нашата посветеност и работа на развој како дополнително би го олесниле и подобриле квалитетот на Вашето работење, продуцираше уште една нова можност. Покрај веќе постоечките параметри температура, влага и C02, отсега Вашиот Ambion System има можност и за мониторинг на PM10 и PM 2.5 честички. Мониторингот на PM честичките е многу важен во повеќе индустрии и секојдневното живеење. Во продолжение прочитајте зошто се одлучивме да инвестираме во мониторингот токму на овој параметар и зошто е важно да овозможите мониторинг на  PM честички во Вашиот бизнис.

Што е PARTICULATE MATTER (PM)?

Загадувањето со PM честички е мешавина во воздухот од цврсти и течни честички. Тие често се одделени во три класификации; груби, фини и ултра фини честички. Грубите честички имаат дијаметар помеѓу 10 μm (микрометри) и 2,5μm и се таложат релативно брзо, додека фините (0,1 до 2,5 μm  во дијаметар) и ултра фините (<0,1μm во дијаметар) честици остануваат да лебдат во воздухот подолго. За да имаме појасна слика, човековата коса има дијаметар од 50-70 μm а зрно песок има дијаметар од 90 μm. Кога станува збор за ПМ10, се однесува на честички помали од 10 μm. Тука спаѓаат прав, полен и мувла. Спротивно на тоа, кога станува збор за PM2.5 се однесува на честички помали од 2,5 μm. Овие помали честички вклучуваат честички на согорување, органски соединенија и метали.

Кои индустрии имаат потреба од мониторинг на PM честички?

Постојат повеќе индустрии и дејности кај кои е многу важно да се воведе систем за мониторинг на PM честички со што би ја осигуриле безбедноста и здравјето на работниците. На пример, во петрохемиската индустрија и земјоделските сектори каде процесите на горење се неопходни, потребно е мониторирање на PM 2.5 честички, како и во рудниците и градилиштата каде многу важно е да се мониторира присуството на PM10 честички во воздухот.

Накратко, ова се индустриите кај кои мониторингот на PM честичките е многу важен:

  • Рудници и каменоломи
  • Фабрики за цемент
  • Градилишта
  • Петрохемиска индустрија
  • Земјоделство

PM10 и PM 2.5 честички.

Како влијаат PM честички на здравјето и продуктивноста на вработените?

Повеќе студии и истражувања укажуваат на тоа дека подобрувањата во квалитетот на воздухот доведуваат до подобрувања во продуктивност на работниците во голем број сектори, вклучително и земјоделството, производството и услужните сектори.

Зголемената свест за PM10 и PM2.5 во голема мерка е поврзана со потенцијалните штетни ефекти што можат да ги имаат врз човечкото здравје. Светската здравствена организација (СЗО) алармира дека честичките влијаат врз повеќе луѓе ширум светот од кој било друг загадувач. Примарните здравствени ефекти вклучуваат оштетување на респираторниот и кардиоваскуларниот систем. Поради малата големина на PM10 и PM2.5 честичките, тие можат да навлезат во најдлабоките делови на белите дробови и да предизвикаат сериозни проблеми на респираторниот систем.

PM 2.5 честичките влијаат на покачување на крвниот притисок; предизвикуваат иритација во уво, нос, грло и белите дробови, како и благи главоболки. Исто така, овие честички ги намалуваат когнитивните способности и концентрацијата на вработените. Сето ова покрај сериозните здравствени ризици, значително може да ја намали и продуктивноста на вработените. Многу истражувања покажуваат значително намалена продуктивност на вработените при зголемено присуство на PM честичките во воздухот, без разлика дали станува збор за физичка или умствена работа.

Како најлесно до мониторинг на PM честички?

Еден од основните принципи за кои се залага секој успешен претприемач е грижа за здравјето и животот на своите вработени. Обезбедувањето подобри услови за работа на вработените е единствен сигурен пат во креирање на успешна компанија. Одлучивме да инвестираме во решение кое значително ќе ја зголеми безбедноста на Вашите вработени. Со Ambion System мониторингот на PM честичките станува едноставен и лесен процес достапен за сите македонски компании. Пред Вас е ефикасен систем кој ќе Ве алармира по пат на sms или email за секоја промена на присуството на PM честичките  во воздухот. Отсега ќе имате темелна документација и ќе биде евидентирана буквално во секоја минута промената на количината нa PM честичките во воздухот. Не оставајте веќе ништо на случајноста и на факторот грешка. Ambion System за максимална безбедност на Вашите вработени!

Закажете консултативен разговор!